O CCG abre a quenda para que os cidadáns participen na Reflexión estratéxica da cultura galega

Coa publicación dun documento descargable no web oficial do proceso, o Consello da Cultura Galega iniciou a seguinte fase da Reflexión estratéxica sobre a cultura galega. Despois das enquisas e dos foros sectoriais, o CCG elaborou un documento síntese, "aberto e en proceso", ao que calquera cidadán pode contribuír. O obxectivo é, segundo o coordinador do proceso, Xosé López, "contribuír a que a cultura galega dispoña das mellores ideas para abordar o seu futuro".