Manuel Guede dirixe a Compañía de Teatro de Braga cunha obra de Valle Inclán

Xa é vella a relación da Companhia de Teatro de Braga coa dramaturxia galega. O último exemplo terá lugar esta noite (Auditoro do Teatro Circo, Braga. 21:30 horas), cando Manuel Guede estree A cabeça do Baptista, un “melodrama para marionetas” que fala da avaricia, da luxuria e da morte. Guede achega a súa interpretación desta obra de Valle Inclán en portugués e cun elenco co que xa traballou sendo director do Centro Dramático Galego. A obra estará en cartel ata final de ano.