Fina aos 97 anos a escritora ourensá Dora Vázquez

Foi unha muller de letras. Xunto coa súa irmá (a xa finada Pura) Dora Vázquez dedicou boa parte da súa vida ao mundo literario escribindo libros de poesía e novelas, así como colaboracións nos xornais La Noche ou Vida Gallega. A escritora morreu onte na cidade das Burgas aos 97 anos de idade e os seus restos mortais recibirán sepultura o sábado 25 no cemiterio de San Francisco. O traballo das irmáns Vázquez a prol da literatura foi recoñecido pola Deputación ourensá ao concederlle os seus nomes ao Premio de Narrativa e Ilustración Infantil e Xuvenil que concede anualmente.