Ana Soler faise co premio Jesús Núñez de gravado cunha obra dixital

Planetas illados é o título da obra coa que a artista residente en Cambados, Ana Soler (Sevilla, 1972), acaba de gañar a 5º edición do Premio Internacional de Arte Gráfica Jesús Núñez. Dotado con 6.500 euros, a artista terá a oportunidade de realizar unha exposición no Centro de Estampa de Betanzos. A este certame, convocado pola Deputación da Coruña, concorreron este ano 168 artistas de 21 países diferentes. Cunha escolma das obras presentadas, a Deputación realizará unha exposición (co seu correspondente catálogo) que percorrerá dez concellos da provincia coruñesa.