A campaña de escavacións de Cova Eirós finaliza con 1.300 pezas arqueolóxicas

Co fin de agosto pechou a cuarta vaga de escavacións en Coa Eirós (Triacastela) deixando tras de si máis de 1.300 achados arqueolóxicos e fósiles. Un número semellante ao da última campaña e que agora deberán ser estudados e analizados, aínda que as primeiras exploracións confirman os supostos de que a gruta foi ocupada de xeito continuado ao longo de períodos moi prolongados. A Universidade de Santiago é a encargada de levar a cabo estas investigacións no marco dun proxecto de investigación dos depósitos paleolíticos do sur lucense.