Fina o pintor José Lorenzo Macías, destacado pintor figurativo

Acostumaba a dicir “a vida é como un cadro que nunca sabes como termina”. José Lorenzo finou esta madrugada na súa Pontevedra natal. Lorenzo foi un dos máximos representantes da pintura figurativa galega e a crítica veu no seu traballo ecléctico unha continuación dos camiños trazados pola xeración dos Novos (Laxeiro, Colmeiro, Manuel Torres…). Comezou a súa traxectoria artística en Barcelona e a súa obra non chegou a Galicia ata os anos oitenta, cando participou na Bienal de Pontevedra ou na Casa de Parra (Santiago), entre outras entidades. A igrexa do Divino Salvador de Poio acollerá esta tarde o funeral ás 18:00 horas.