Cultura anuncia a reapertura do Panteón de Galegos Ilustres antes do 25 de xullo

Antes do Día de Galicia o Panteón de Galegos Ilustres volverá abrirse ao público. O conselleiro de Cultura e Turismo, Roberto Varela, e o vicario xeral do Arcebispado de Santiago de Compostela, Víctor Maroño, chegaron hoxe ao acordo, logo de que unha sentenza xudicial lle outorgase o seu patrimonio á igrexa. Malia que a sentenza foi do 2006, non se executou ata hai un par de meses. Nese espazo repousan os restos de Rosalía de Castro, Alfredo Brañas, Francisco Asorey, Ramón Cabanillas, Domingo Fontán e Alfonso Daniel Rodríguez Castelao.