"Serra Leoa". Foto: William Daniels
Entre o 18 de xuño e o 18 de xullo Oleiros acolle a nova edición de Revela, o certame fotográfico "que impulsa o encontro entre a realidade social e a cidadanía a través da fotografía". O certame inaugurouse o pasado venres coa conferencia Infancias rotas da reporteira Carmen Sarmiento. 25 fotógrafos de diferentes países expoñen obra no parque José Martí de Santa Cristina, en Oleiros, percorrendo diferetnes conflitos e realidades que retratan o maltrato á infancia en todo o mundo. Revela está promovido polo concello de Oleiros coa colaboración da Fundación María José Jove e a Deputación da Coruña.
