Ás doce desta mañá será o sinal de saída de Revela 08, o Festival Internacional de Fotorreportaxe e Sociedade de Oleiros. Desta volta o evento estará centrado no tema A Terrra: Economía, conflito e natureza e sobre esta cuestión amosaranse imaxes de fotógrafos e axencias de todo o mundo. Para alén da exposición que se poderá ver na rúa ata o vindeiro día 25 de xullo, o certame inclúe obradoiros, e a convocatoria da bola sobre fotorreportaxe e sociedade.
