Revela!, o foro fotografíco e social de Oleiros, regresa despois dun ano de parón

Os fotógrafos Eric Refner eYann Mingard, o explorador e investigador Sydney Possuelo que ten analizado e investigado numerosas tribos illadas do Brasil co obxectivo de protexelas de amezas son algúns dos participantes de Revela 08!, o foro de fotografía e sociedade que organiza o concello de Oleiros do 4 ao 27 de xullo. Un encontro que regresa despois dun ano de inactividade e que ten como principal obxectivo encontrar ao público coa fotografía.

Ademais das exposicións e conferencias previstas para achegar diferentes aspectos da fotografía social, Revela! Inclúe dúas liñas para conseguir implicar á cidadanía. Unha delas é o certame que pretende promover a realización de novos fotorreportaxes que sirvan para denunciar situacións de violencia, desigualdade, maxinalidade, desfeita ecolóxica, ou calquera situación de inxustiza no mundo. Este certame, que xa está convocado, conta con 12.000 euros; da outra banda está o programa para escolares, que este ano ten como temática “a terra: economía, conflicto e natureza”. Os rapaces gañadores recibirán unha viaxe e poderán ver expostas as súas fotografías.