Fotografía para debater

Un encontro co fotoxornalismo máis actual para propiciar o debate e a reflexión encol da situación d mundo. Esta é a proposta que desde hai xa catro anos fai o Concello de Oleiros co Foro Internacional Revela. Imaxes impactantes que se poden ver na propia rúa desde o pasado 21 de agosto.

Robert Wallis, Robin Hammond, Karem Robinson, Sanjit Dás ou Carolyn Drake, canda a Walter Andrada, gañador da Bolsa Revela da última edición e premio World Press Foto, son algúns dos creadores que achegan as súas imaxes a Revela 09. Unha selección dos seus traballos pode verse nos parques José Martí e Luís Seoane de Oleiros, en grandes paneis accesibles a todos os paseantes.

Canda á exposición, que recupera algúns dos nomes máis destacados do fotodocumentalismo internacional, o programa de 2009 inclúe un obradoiro de fotografía a cargo de Carolyn Drake o vindeiro 2 de setembro, e o arxentino Hernán Zin impartirá unha conferencia e proxectará o seu documental A guerra contra as mulleres o día 3.

O fallo dos premios Revela 09 e o acto de entrega e feche, tamén o día 4 finalizarán a programación deste ano.

Inauguración de Revela 09

Inauguración de Revela 09

Inauguración de Revela 09

Inauguración de Revela 09