A consulta sobre o idioma, a redenominación das escolas infantís (antes galescolas e agora Galiñas Azuis), a campaña para informar do decreto do galego máis a adaptación dos materiais de estudo a esta norma suman preto de cinco millóns de euros. A plataforma Queremos Galego deu a coñecer través do seu voceiro, Carlos Callón, a cifra dos cartos que o a Xunta leva gastados en “reducir a presenza do galego”. Ademais do custe económico, Callón asegura que Educación prescindirá de 190.000 libros de texto “que a penas teñen dous anos” para adaptalos ao novo marco normativo. Queremos Galego aproveitou para anunciar unha campaña para que os pais esixan a Educación as medidas “para que os seus fillos aprendan en galego”.
