Abre en Tui o Centro de Interpretación do Camiño Portugués

O Concello de Tui inauguraba onte no antigo convento de San Domingos o Centro de Interpretación Tui, porta do camiño portugués a Santiago. O espazo explica a relación histórica da vila coas peregrinacións mediante paneis, unha maqueta do casco histórico tudense e diferentes obxectos vencellados ao fenómeno xacobeo, así como unha explicación do percorrido desta vía. A iniciativa de promoción deste camiño completarase en breve no concello coa posta en marcha dun albergue provisorio de peregrinos no mesmo edificio e diferentes iniciativas promocionais.