Mondoñedo conta desde esta mañá co Centro de Interpretación e Información do Camiño Norte, o primeiro dos oito deste tipo que se crearán nas diferentes rutas xacobeas. O centro, situado nun pazo do século XVIII, achega información sobre a xeografía e a historia desta ruta mediante mapas, paneis e contidos multimedia. O conselleiro de Industria, Fernando Blanco, anunciou na inauguración que os 366.000 euros investidos neste proxecto son só unha parte dos 2,5 millóns de euros destinados ao conxunto de centros.
