Arrecian as críticas á Xunta pola aprobación do decreto para o plurilingüismo

Tanto os portavoces dos principais partidos da oposición, PDdeG e BNG como representantes do sindicato CIG denunciaron o retroceso para a lingua que supón a aprobación, onte, do decreto para o plurilingüismo no ensino. Canda a este sindicato o STEG, A Mesa pola Normalización e a plataforma Queremos Galego anunciaron a súa intención de recorrer o texto ante a xustiza. Pola súa banda, o colectivo Galicia Bilingüe denunciou que a medida no se axeita ao prometido polo PP no seu programa eleitoral, e calificou de "mentiroso" o presidente da Xunta. Unicamente o sindicato de ensino ANPE amosou o seu apoio á retirada da consulta aos pais, aínda que criticou que se permita aos alumnos expresarse no idioma que elixan nas clases.