O Tribunal Superior de Xustiza de Galicia (TSXG) facía pública na tarde de onte a súa sentenza sobre o recurso que presentara o sindicato CIG, a Mesa pola Normalización e a plataforma Queremos Galego contra o Decreto para o Plurilingüísmo no Ensino. No texto, o alto tribunal anula o artigo 5.2 do Decreto, no que se establece unha consulta as familias sobre a súa preferencia lingüística para as aulas. Tamén considera "ilegal" o artigo 12.3, no que se lle permite ao alumnado a empregar a lingua da súa preferencia nas aulas, ao considerar que "non facilita a adquisición da destreza esixida ao alumno na lingua propia desta Comunidade", o que contradí a Lei de Normalización.
Á hora de interpretar esta sentenza, a Mesa pola Normalización considera que a decisión do Tribunal Superior permitirá unha maior presenza do galego nas aulas, mentres desde a Xunta publicou unha nota sinalando que a deicións "avala o equilibrio entre galego e castelán e a introdución do plurilingüismo".
O TSXG ten pendente a resolución doutros cinco recursos contra o decreto.
Sentenza do TSXG sobre o recurso contra o Decreto para o Plurilingüismo.Á hora de interpretar esta sentenza, a Mesa pola Normalización considera que a decisión do Tribunal Superior permitirá unha maior presenza do galego nas aulas, mentres desde a Xunta publicou unha nota sinalando que a deicións "avala o equilibrio entre galego e castelán e a introdución do plurilingüismo".
O TSXG ten pendente a resolución doutros cinco recursos contra o decreto.
