O patrimonio da Igrexa en Galicia supera os 426 millóns de euros

O valor que catastro lle outorga, de media, a cada igrexa galega ronda os 85.000 euros. Unha cifra que fai pública Galicia Hoxe que tamén ofrece a canto ascende o patrimonio total que ten a igrexa no noso país: a 426 millóns de euros. En total, contabilízanse 7.691 inmobles relixiosos espallados polas catro provincias, unha cifra que a converte na segunda comunidade do Estado con máis edificacións deste tipo. A reportaxe publicada neste xornal, tamén fai referencia ao caso concreto de Santiago, onde se concentran 91 bens e o seu valor catastral ascende a 61.5 millóns de euros.