4.530 profesores comprométense a dar as súas clases en galego

Queremos Galego presentaba esta mañá no rexistro da Xunta de Galicia as sinaturas de 4.850 profesores que se adheriron á súa campaña Dou e darei as miñas clases en galego. Segundo a plataforma, os asinantes protestan deste xeito contra as medidas do novo decreto para o plurilingüismo, que impide dar na nosa lingua determinadas clases, nomeadamente as de Matemáticas, Física e Química e Tecnoloxía. Do mesmo xeito, os representantes do colectivo advertíronlle á Xunta que "se expedienta a algún profesora ou a algunha profesora por dar as aulas en galego, todo o ensino se porá en pé".