As entidades privadas ou sen ánimo de lucro interesadas en desenvolver accións de conservación, protección ou difusión dalgún dos Camiños de Santiago, poden optar ás axudas que acaba de convocar a Consellaría de Cultura neste sentido. En total a convocatoria prevé repartir 295.000 euros, dos que cada solicitude poderá optar a un máximo de 3.000. Estes apoios cobren actuacións menores en bens inmobles sempre que estas teñan un impacto visual directo na ruta. Canda a isto, tamén se subsidiarán actividades de formación, publicidade ou difusión dos camiños.
