O alcalde de Palas de Rei anunciou o vindeiro 1 de xuño como data para abrir o castelo de Pambre, a confirmar as previsións dos Irmáns Misioneiros dos Enfermos Pobres, actuais propietarios do inmoble. Segundo adianta hoxe El País o concello está a ultimar a contratación dun seguro de responsabilidade civil que cubra as visitas e iniciará en breve traballos para desbrozar o mato que rodea o perímetro da fortaleza. As visitas estarán guiadas por dúas persoas.
