Jorge Salvador: GTB na biblioteca da súa casa da Gran Vía, Salamanca, 1996.
Ferrol me fecit reiteraba Gonzalo Torrente Ballester para destacar o papel esencia que exerceu na súa vida a cidade na que naceu. Por iso, non é de estrañar que fóra a primeira cidade na que se iniciou o periplo galego da exposición dedicada a festexar o centenario do seu nacemento. A Sociedade Estatal de Conmemoracións Culturais (SECC), a Fundación Gonzalo Torrente Ballester, coa colaboración da Fundación Caixa Galicia e o Xacobeo remexeron nos aspectos menos típicos do creador para achegar unha exposición que presenta máis de 200 pezas, a maioría delas inéditas que descobren a faceta poliédrica do creador. Presentamos unha escolma dese material que, alén de achegar a súa iconografía persoal, chegará a Santiago o 13 de xuño.
