Camilo Nogueira faise co Pedrón de Ouro 2010

A Fundación Pedrón de Ouro deu a coñecer esta mañá os nomes dos galardoados cos seus galardóns anuais. Desta volta, o político e intelectual Camilo Nogueira foi o galardoado co Pedrón de Ouro pola súa implicación coas diferentes problemáticas do país. Pola súa banda, o sociólogo Fermín Bouza foi recoñecido co Pedrón de Honra "pola súa traxectoria e pola defensa irredutíbel da lingua galega desde todas as tribunas públicas nas que participa". A entrega dos premios farase o vindeiro 23 de maio ás doce e media da mañá na Casa Museo de Rosalía, en Padrón.