É a figura máxima de protección para o patrimonio e os tres grupos parlamentarios coincidiron en que a obra de Castelao debera ser declarada Ben de Interese Cultural. Canda esta proposta dos nacionalistas, os outros grupos que conforman o arco parlamentario tamén se sumaron á iniciativa de pedirlle á Xunta que xestione coa Deputación e co Museo de Pontevedra para que se expoñan os fondos do autor que albergan; así como a edición de compendios “en coordinación coas editoriais” para dar a coñecer a obra gráfica, literaria e ensaística e Castelao.
