O Museo do Pobo recupera o traballo de La Artística

As latas de conserva de comezos do século XX eran moito máis do que simples recipientes para o peixe. O Museo do Pobo explora a a vertente artística destes envases mediante a exposición Debuxantes da pedra, fabricantes da lata. O legado de La Artística S.A.. Na mostra poden verse exemplos do traballo litográfico co que se decoraban as latas desta fábrica, a maior do seu xénero en Galicia. Do mesmo xeito, amósanse explicacións do proceso de gravado e de fabricación e analízase o valor artístico das pezas.