Unha exposición recupera ao Castelao do exilio

Gravados, cadros, fotografías, manuscritos, obxectos persoais… estes son algúns dos materiais que recolle Castellao: A derradeira lección do mestre. Trátase da exposición coa que o Museo Provincial de Lugo recupera a etapa no exilio do galeguista, que vai desde 1936 ata 1950. Comisariada por Felipe Senén e María Pilar García Negro, a exposición conta cun amplo programa complementario (obradoiros, concertos, visitas guiadas para escolares, visitas técnicas, proxeccións de vídeos e coloquios) para afondar no coñecemento do intelectual. A exposición poderase ver ata o 10 de xullo.