Foto: CCG
A exposición Galicia 100 inaugurouse onte na sede de Afundación na Coruña, no Cantón Grande. A mostra vén arroupada polo éxito de público en Compostela, onde acadou a cifra de 6.000 visitantes e unha importante asistencia ás visitas guiadas. No acto participaron onte o presidente do Consello da Cultura Galega, Ramón Villares, canda Ramón Sestayo, patrono de Afundación e Manuel Gago, comisario da exposición, arroupados por autoridades do mundo académico e político. Galicia 100 poderá ser visitada ata xaneiro de 2017 na Coruña e haberá visitas guiadas todos os xoves e venres ás 20 h.
