O Consello Escolar rexeita o proxecto de Decreto para o plurilingüismo

Unha enmenda á totalidade do texto do Decreto para o plurilingüismo no ensino que esixe a retirada do proxecto. Esta foi a resolución do Consello Escolar de Galicia ante a proposta de Educación por un total de 24 votos fronte a 16. Malia a esta negativa, a Consellaría xa anunciou que continuará coa tramitación do texto, aínda que incorporará modificacións "que responden á metade de emendas realizadas pola comisión permanente do Consello Escolar de Galicia". Pola súa banda, a Coordinadora Galega de Equipos de Normalización Lingüística publicaba onte unha carta dirixida aos membros do Consello Escolar denunciando o texto de Educación.