Os directores dos centros de ensino rexeitan o decreto de plurilingüismo

O primeiro contacto que mantivo a Consellaría de Educación con responsables de trinta centros de ensino no país deu nun rexeitamento unánime destes á proposta do decreto para o plurilingüismo, segundo recolle hoxe Faro de Vigo. Educación ten previsto continuar ao longo da vindeira semana os contactos con este colectivo para coñecer a súa posición ante o texto. Ao tempo, continúan as adhesións á folga do ensino convocada para o vindeiro día 21 por esta cuestión. O sindicato UXT envioulle ao goberno 18 enmendas ao seu texto dándolle de prazo ata o vindeiro luns para responder ás mesmas, e adiantou que se non hai reacción, apiarán a convocatoria de folga. Pola súa banda, o presidente da Xunta, Alberto Núñez Feijoo, sinalou que respectará a lei á hora de implantar o inglés no esino e que non será obrigatoria acreditar o coñecemento desta lingua nas oposicións. Ademais, recoñeceu que se desenvolverán medidas de formación para este coletivo. Finalmente, a Coordinadora de Traballores pola Normalización Lingüística está a achegar no seu web unha completa lista con reaccións á proposta de decreto.