O curso 6ºA do CEIP Bergantiños alzáronse co premio do certame de BD Correlingua. Do mesmo xeito, os cursos de 6ºB e 6ºC fixéronse con mencións especiais do xurado no certame, que se convocou baixo o lema Galego: A forza do noso amor. Ao tempo, a Asociación Neira Marcos presentaba o pasado domingo Contos dun pasado que non son conto, unha obra a prol da nosa lingua que realizaron rapaces da parroquia de Salto, en Vimianzo. A obra colectiva xurdiu dun obradoiro de creación de BD que impartiu Saleta Ameixeiras o pasado verán.
