A arte urbana protagoniza un museo efémero na Coruña

Exposicións, intervencións, foros de debate e obradoiros son algunhas das propostas ás que terán acceso os coruñeses do marco do Museo Urbano de Arte Urbana. Este centro efémero pretende desenvolver actividades para dar a coñecer as últimas tendencias de arte na rúa, como a exposición Posgraffiti, xeometría e abstracción. Ademais, o Fórum Metropolitano acollerá cada xoves de abril, a partir do día oito, as Xornadas de Arte Urbana, na que coñecidos creadores neste campo achegarán a súa experiencia. A proposta parte de Deica Management e conta co apoio do Concello, da Deputación e de Caixa Galicia.