Ilustración Aurora López. Relato Marica Campo
Un libro ilustrado a prol dos dereitos humanos das mulleres. Esta é a proposta que presentou este mes Amnistía Internacional en colaboración con TrisTram Editora. Camiñan descalzas polas rochas recolle colaboracións dun total 21 escritoras e ilustradoras do noso país. Os beneficios das vendas do volume irán destinados á campaña que sobre esta cuestión desenvolve o grupo lugués de Amnistía Internacional. Entre as participantes atopamos nomes como Ana Romaní, Yolanda Castaño, Anxos Sumai, Rosa Aneiros, Noemí López ou María Lires entre outras. Carlos Fernández, responsable desta organización en Lugo, explícanos como se xestou este proxecto.
