O Festival Isto Ferve potencia a creación contemporánea con catro estreas

Cinco espectáculos no cartel e catro estreas absolutas. A programación do festival Isto Ferve 10 fai forzas de flaqueza, este ano a consellaría de Cultura retiroulles os 8.000 euros de subvención, para presentar un encontro fiel ás súas liñas de programación habitual: a estrea da obra da compañía residente e organizadora (este ano Cía.Teatro Ensalle presenta La Maleza) e achegando a creación fronteiriza entre a danza e o teatro. Os mexicanos Cía. 360º+1 son os encargados de abrir este venres unha nova edición do festival cunha proposta coreográfica que reflexiona sobre a manipulación das imaxes. No cartel destaca tamén o doblete de Estela Lloves que como compañía Arraiana presentará knochemblume, e xunto coa arxelí Tania Arias desenvolverá Alicia en Grusian Project.