Fixo cubertas para obras de Jean Paul Sarte e Álvaro Cunqueiro, escribiuse con personalidades como Dieste, Lorca, Unamuno... e, como apuntou Ramón Villares, presidente do Consello da Cultura Galega, Luis Seoane e Castelao son as dúas figuras máis destacadas da Galicia do século XX. Por iso, tanto o CCG como a Fundación que leva o seu nome aproveitaron o centenario do seu nacemento para ofrecer unha serie de actividades que pretenden fuxir da imaxe máis estereotipada de Seoane e abrir cara o público o seu inmenso legado. O inicio das actividades deste poliédrico creador comezarán o vindeiro 6 abril cun congreso internacional que leva por titulo Luis Seoane. Galicia-Arxentina: Uunha nova cidadanía. Unha actividade que comezará en Santiago e rematará na Coruña onde se abrirá unha exposición que fará unha relectura de todo o seu leigado e descubrirá facetas novas do seu traballo.
