Os colectivos de memoria histórica denuncian a política da Xunta neste campo

Un total de 17 colectivos de memoria histórica acaban de publicar un manifesto no que denuncian a actual política da Xunta neste campo xa que, segundo eles, o Goberno Galego reduciu ou eliminou as liñas de axuda existentes. Nese sentido reclaman que continúen os proxectos de investigación en curso sobre a represión franquista e solicitan que se manteña o convenio entre a Universidade de Santiago e o Instituto de Medicina Legal para a exhumación de foxas. Do mesmo xeito, o manifesto lembra a declaración da illa de San Simón como Lugar da Memoria e insisten en que "debe ser sinalizado, patrimonializado e promovido".