Aínda que formalmente existe desde 2007, a Iniciativa Galega Pola Memoria facía pública onte na Illa e San Simón a súa declaración de principios. A entidade agrupa unha trintena de colectivos dedicados á recuperación da memoria histórica, que reivindican a implicación das administracións na exhumación das vítimas do franquismo e na investigación da represión da dictadura. A presentación deste texto fíxose no transcurso do acto en lembranza das vítimas que se celebra cada 18 de xullo en San Simón. Precisamente un dos puntos destacados da celebración foi a reivindicación desta Illa como espazo dedicado á memoria histórica, ante a reorientación que lle quere dar a Xunta ao conxunto.
