O retablo de Belvís volta a Galicia

Unha cesión por dez anos permitiralle ao Museo de Pontevedra expor o retablo de Belvís, datado no século XIV e que estivo instalado no convento compostelán do mesmo nome. A obra, que saíra do noso país en 1944, representa a San Acacio e os diez mil mártires no monte Ararat e supón a única pintura medieval sobre táboa que se conserva do noso país. Ademais, a pexa inclúe inscricións na nosa lingua que son de grande interese para coñecer o galego da época. O retablo pode verse desde onte edificio Castro Monteagudo do museo, e trasladarase no futuro a unha das ampliacións desta entidade.