O 1 por cento cultural achegoulle a Galicia 7,56 millóns nos últimos cinco anos

Galicia recibiu entre 2004 e 2009 7,56 millóns de euros a cargo do 1% cultural. Este epígrafe cubre a porcentaxe que destina a fins patrimoniais e artísticas o Ministerio de Fomento e co que se abordaron diferentes obras de restauración e rehabilitación no noso país. O senador Xosé Manuel Pérez Bouza, do Bloque Nacionalista Galego, denunciou que esta contía supón unicamente un 3,37% do total destes fondos a nivel estatal, o que constitúe para el unha discriminación de cara á nosa comunidade. No período comprendido entre 1996 e 2005 Galicia recibira 16,6 millóns de euros destes fondos.