O Camiño de Santiago protagoniza a IV edición do Congreso de Patrimonio Etnográfico Galego, que por vez primeira se volta internacional. O evento, que incorpora a Sociedade Iberoamericana de Pedagoxía Social á súa organización, celebrarase entre o 25 de febreiro e o 1 de marzo, e analizará a ruta xacobea en relación a temas como a viticultura, as mulleres, a antropoloxía ou os educadores. No programa tamén se inclúen percorridos por algunhas destas vías e intervencións encol distintas rutas.
