O III Congreso de Patrimonio Etnográfico analizará o Entroido

Quince investigadores analizarán polo miúdo as características e peculiaridades do Entroido en Ourense e en zonas limítrofes no III Congreso de Patrimonio Etnográfico. O encontro, organizado pola Deputación de Ourense coa colaboración do Ateneo e da Universidade de Vigo, desenvolverase entre os días 16 e 20 de febreiro na Cidade das Burgas, coordinado por Xosé Manuel Cid. A coincidir co evento, presentarase o libro As caras do Entroido ourensán, que coordina Antón Fidalgo Santamarina e que analiza bisbarra a bisbarra as peculiaridades desta festa.