O IV Encontro Arqueolóxico do Barbanza analizará os temas máis actuais da disciplina

Cun programa centrado nas cuestións máis actuais da arqueoloxía galega, os Encontros Arqueolóxicos do Barbanza chegan a súa cuarta edición. Entre o 27 e o 28 de febreiro, debaterase en Neixón sobre cuestións como os cromlech do noso país, a rendibilidade do patrimonio, as comunidades da Idade do Ferro ou a alimentación ao longo da historia no contorno da Ría de Arousa. O programa completarase con visitas ao Centro de Arte Rupestre de Campolameiro, ao Museo do Mar e mais a Santa Tegra os días 6 e 8 de marzo.