A Coruña acollerá o congreso sobre Jenaro Marinhas del Valle

Xa está próximo o anunciado congreso encol Jenaro Marinhas del Valle. O encontro, organizado pola Associaçom Galega da Língua, analizará entre os días 26 e 28 deste mes os diferentes aspectos deste escritor e activista cultural. A Coruña acollerá o congreso para o que xa se poden remitir comunicacións arredor da propia figura de Marinhas, da tradición galeguista na que se integrou ou da propia cidade da Coruña e o seu lugar na construción do galeguismo. O programa do evento inclúe un texto biográfico no que tamén se reflicte o seu traballo a prol do reintegracionismo.