O congreso Ramón Piñeiro e galeguismo analizará a figura deste pensador

Tres xornadas centradas en analizar a figura de Ramón Piñeiro desde os ámbitos do pensamento, a cultura e a política. Esta é a proposta que fará entre os días 18 e 20 de novembro a Real Academia Galega no congreso Ramón Piñeiro e galeguismo, que se celebrará na sede do Consello da Cultura Galega, en Compostela. Entre outras cuestións abordarase a relación de Piñeiro co marxismo, o seu procesamento e estancia na cadea, as intensas relacións internacionais que mantivo ou o seu labor editorial.