O Festival FAI reúne na Coruña arte e integración social

O vindeiro 27 de febreiro, Expocoruña transformarase nun foro sobre as posibilidades da arte para a integración social. Persoas con discapacidades ou que están na cadea amosarán os seus traballos no Festival FAI, un encontro no que se mesturan espectáculos danza, música e teatro con conferencias, mesas redondas e videoproxeccións sobre esta cuestión. Entre outros colectivos, participan no evento O Pelouro, 5S ou a ONCE. A entrada custará tres euros por espectáculo e está dispoñible un bono para todo o evento por 25.