Malia que aínda non existe sentenza xudicial que resolva o conflito entre a primeira empresa adxudicataria e o Ministerio de Cultura, o departamento que dirixe Ángeles González Sinde, iniciou o trámite administrativo para finalizar a rehabilitación do complexo histórico de San Francisco (Ourense). A última novidade ao respecto, é que se iniciou o expediente de contratación do proxecto de terminación dos traballos de rehabilitación e contrucción do futuro arquivo e biblioteca ourensá. O orzamento para estas obras, que se iniciarán nos vindeiros meses é de 735.000 euros. Segundo publica hoxe o xornal La Región, é o primeiro dos investimentos previstos para este edificio feitos polo goberno central que ascenderán a preto de quince millóns nos vindeiros dous anos.
