A vindeira semana reanudaranse as obras de emerxencia no complexo cultural de San Francisco en Ourense. O último capítulo do complexo proceso de restauración tivo lugar esta semana, cando o Xulgado Central do Contencioso-Administrativo autorizou continuar coas obras de emerxencia iniciadas en xaneiro deste ano co fin de paliar o grave deterioro do claustro do edificio. Estas actuacións foron solicitadas despois de que se paralizara a rehabilitación (cando se levaba executado o 80% do proxecto) que motivou un litixio xudicial entre o Ministerio de Cultura e a primeira empresa adxudicataria da restauración.
