A reanudación das obras do Arquivo Histórico e da biblioteca de San Francisco en Ourense están pendentes de varios trámites. Entre eles, segundo publica hoxe o diario La Región, un informe pericial que permitirá determinar se a empresa concesionaria (UTE) executou obras de reforzo no claustro ou non, unha das causas polas que o Ministerio de Cultura rescindiu o contrato. Este mesmo xornal asegura que existe unha cifra estimada de 26 millóns de euros para a finalización dos traballos, dos que se destinarán 3 millóns para o 2009. A nova chega un día despois de que o xornal ourensá publicara a sentenza xudicial que denegaba a petición da UTE de suspender a rescisión do contrato do Ministerio de Cultura.
