Unha década de atrasos que aínda non remataron. O proxecto de recuperación do mosteiro de San Francisco, en Ourense, para facer nel unha biblioteca e mais outros espazos culturais, non ten data para comezar as súas obras. A ministra de Cultura, Ángeles González-Sinde, evitou dar ata onte para o inicio dos traballos na súa resposta a unha interpelación do senador do BNG Xosé Manuel Pérez Bouza. As previsións a comezos deste ano era que os traballos, orzamentados nuns 15 millóns de euros, arrincasen este verán. Ademais, segundo recolle La Región, a ministra tampouco adiantou a contía da partida orzamentaria que se destinará a estes traballos o vindeiro ano.
