Despois de que os tribunais lle deran a razón (ao considerar que os fondos de Álvaro Gil depositados no Museo Provincial de Lugo eran cesións e non doazóns), os herdeiros do industrial barallan a posibilidade de construir un museo que agrupe todo o seu legado. Alén das 55 pezas que se atopan no museo lucense, o centro albergaría tamén os cadros que a familia garda na casa. Segundo publica hoxe El Progreso, os responsables do hipotético museo non reclamarían os fondos que a familia cedeu ao Museo de Pontevedra.
