Un congreso analizará a influencia do exilio na vida e obra de Seoane

A primeira das citas sobre a figura e leigado de Luís Seoane arrinca o vindeiro 6 de abril. Será cun congreso internacional que pretende retratar a figura e as actividades creativas de Luís Seoane atendendo á pegada qeu deixou nel a emigración e o exilio. A cita, organizada polo Consello da Cultura e a Fundación Seoane terá lugar do 6 ao 9 de abril e xa ten aberto o seu prazo de inscrición. O congreso completarase con tres encontros que organizan as tres universidades galegas en colaboración co CCG, a fundación Seoane, a consellaría de Cultura e a Sociedade Estatal de Conmemoracións Culturais e que terán lugar en Santiago, Vigo e Coruña e que analizarán aspectos concretos do intelectual.