O ILG súmase á vaga de rexeitamentos da propostas do decreto

“Representaría unha involución no proceso de normalización da lingua galega”, así o asegura o Instituto da Lingua galega nunha carta remitida ao presidente da Xunta, Alberto Núñez Feijóo. O documento amosa a preocupación polas “consecuencias negativas” que “o conflito” sobre as bases para a elaboración do decreto do galego ten para o status da lingua galega. No documento instan ao presidente a “volver ao consenso que presidiu a política lingüística en Galicia desde a promulgación da Lei de normalización lingüística ata a aprobación do Plan xeral de normalización da lingua galega”.